Сооронбай Жээнбеков: Учурда сот системасы заманбап технологиялар менен камсыздалып, сот актылары ачык, коомго жеткиликтүү болуп, соттук жыйындар мезгилдин талабына ылайык жабдылууда

Кыргыз Республикасынын Президенти Сооронбай Жээнбеков өлкөбүздүн сот системасынын кызматкерлерин кесиптик майрамы менен куттуктады.

Мамлекет башчысынын куттуктоосу:

«Урматтуу судьялар жана сот системасынын кызматкерлери!

Сиздерди кесиптик майрамыңыздар — Кыргыз Республикасынын сот системасынын кызматкерлеринин күнү менен куттуктайм!

Көз карандысыз жана өз алдынча сот системасын орнотпой туруп, демократиялуу, өнүккөн мамлекет куруу мүмкүн эмес. Сот системасы таза иштегенде гана өлкөдө адилеттүүлүк жана акыйкаттык орноп, элдин бийликке карата ишеними бекемделет.

Ошондуктан мамлекет кийинки жылдары сот системасын  терең реформалоого жана анын материалдык-техникалык базасын жакшыртууга өзгөчө көңүл бөлүп жатат.

Учурда сот системасы заманбап технологиялар менен камсыздалып, сот актылары ачык, коомго жеткиликтүү болуп, соттук жыйындар мезгилдин талабына ылайык жабдылууда.

Мындай шарттарда сот адилеттигин жүзөгө ашырууда судьяларга зор жоопкерчилик жүктөлүп, алардын кесипкөйлүгүн, кара кылды как жарган калыстыгын арттыруу өзгөчө мааниге ээ.

Мыйзам алдында бардыгы бирдей экенине элдин ишенимин бекемдөөгө, соттун адилеттүүлүгүн арттырууга сот системасынын ар бир кызматкери өз салымын кошот деп ишенем.

Баардыгыңыздарга чың ден-соолук, бакты-таалай жана жооптуу ишиңиздерге ийгилик каалайм!»

1 ой-пикир

  • асан says:

    кызык киши экенсиз сиз дагы урматтуу Президент сотторго алтындан да технологтя кылсаныз алар баягы эле озунукун жасайт алчусун сыртан деле алышат алар керек болсо сиз менен да болушкусу келишет азырынча коз карандысыз болмойунча . жердешчилик,тууганылыктарды жоймойунча эгер сиз козкаранды эмес сотторду койсонуз озунузго жана биртуугандарынызга кыйын болуп калаарын тушуносуз да ошондуктан элди алдап оокат кылбай эле койсонуз жеген наныныз аш болмок.

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *