Kyrgyztoday
Kyrgyztoday » Жаңылыктар » Сурамжылоо: Тажикстандын жарандары Орусияга айласыздан иштөөгө барышат
Борбордук Азияда КООМ

Сурамжылоо: Тажикстандын жарандары Орусияга айласыздан иштөөгө барышат

Архив сүрөт

Тажикстандын жарандары Орусияга айласыздан, мекенинде жумуш таба албагандыктан барышат. Бул тууралуу Миграция боюнча эл аралык уюмдун сурамжылоосунда айтылат.

Сурамжылоо Жапония өкмөтүнүн каржылоосу менен быйыл июль-август айларында жумуш издеп жүргөн жарандардын, анын ичинде аялдардын арасында жүргүзүлгөн. Уюмдун өкүлдөрү коронавирус пандемиясына байланыштуу сурамжылоого көп киши катышпаганын билдиришти.

«Коронавирустан улам сурамжылоо Душанбе шаарынын, республикалык маанидеги райондордо жана Хатлон облусунда жеке жолугушууларда жана телефон аркылуу жүргүзүлдү. Алардын жарымынан көбү аз айлык болсо да мекенинде иштөөгө даяр экенин, анткени Орусияда бир катар көйгөйлөргө кабылып, укуктарыбыз бузула турганын айтышты. Мындан тышкары пандемия шартында Орусияда жумуш табуу оор болуп калганын билдиришти», — деди уюмдун өкүлү Малика Ёрбобоева.

Ал сурамжылоого катышкан жаштардын көбү пандемия шартында мекенинде жумуш таба албай, аргасыз Орусияга иш издеп кетүүгө аргасыз болуп жатышканын кошумчалады.

Расмий маалыматтар боюнча Орусияда Тажикстандын 1 миллиондон ашык жараны жашап, иштеп жүрөт.

Булак: “Борбор Азия жаңылыктар кызматы”

Ѳспүрүм бүтүрүүчүлѳрүбүз үчүн «акыркы конгуроо»-жашоосунун акыркы күнү болүп калбашы керек!

Япониянын Кыргызстандагы элчиси Ёсихиро Ямамура Жалал-Абадда медициналык жабдуулардын гранттык сертификатын тапшырды

Япониядагы круиздик лайнердеги карантин аяктады