Таажывируска чалдыккан Казакстандын 53-жараны аныкталды, ал Стамбулдан Казакстанга Бишкек аркылуу келген

Таажывируска чалдыккан 53-жаран Стамбулдан Бишкекке учуп келип, анан Алматы облусуна келген. Бул тууралу Казакстандын Саламаттыкты сактоо министрлигинин расмий өкүлү Диас Ахметшарип билдирет.

Анын айтымында 1986-жылы туулган эркек жаран 17-мартта Стамбулдан Бишкекке учуп келип, 18-мартта Казакстанга кирген.

“Азыр ал оорукангага жаткырылды”, – деп тастыктаган Диас Ахметшарип.

Эсиңиздерге сала кетсек, таажывируска чалдыккан 53-жарандын аныкталганын казак бийликтери бүгүн, 21-мартта расмий билдиришти. Ал Алматы облусунун Кара-Сай районунда жашай тургандыгы такталды.

Бүгүн, 21-мартка карата Нур-Султан шаарында 28 адам, Алматыда 22 адам, Карагандыда 2 адам, жалпысынан 53 адам таажывирусунан дарыланышууда.

Нур-Султандагы бейтаптардын бири 4 айлык гана бала.

Булак: KyrgyzToday.kg            

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *