Kyrgyztoday
Kyrgyztoday » Жаңылыктар » Таажывирусту жуктуруп алган Ноокат районунун тургундарынын абалы айтылды
КООМ

Таажывирусту жуктуруп алган Ноокат районунун тургундарынын абалы айтылды

Таажывирусту жуктуруп алган Ош облусундагы Ноокат районунун 3 тургунунун абалы канаттандырарлык. Бул тууралуу Саламаттык сактоо министри Космосбек Чолпонбаев бүгүн, 20-мартта онлайн пресс-конференцияда билдирди.

Анын айтымында, алардан таажывирустун клиникалык белгилери жок.

“Аларда инфекциянын клиникалык белгилери жок. Лабораториялык иликтөөдө алардан таажывирус аныкталган. Алар изоляторго жаткырылган. Биз алгоритмге ылайык иш алып барып, аларды дарылап жатабыз” – деди министр.

Анын айтымында, алардын дене табы бир көтөрүлүп, бир түшүп жатат. Министр алардын абалынын видеотасмасын көргөнүн айтып, бардыгы сүйлөп жатканын, бир аз психологиялык жактан жабыркаганын кошумчалады.

Булак: KyrgyzToday.kg

Депутат Д.Бекешев эл аралык практикага таянуу менен электр кубатына болгон тарифти өзгөрүлмө тариф кылуу жагын караштырууну сунуш кылды

Кыргыз тилин даңазалачу Эшенкул Барпиев үчүн “ө”, “ң”, “ү” мааниге ээ эмеспи?

Президент Сооронбай Жээнбеков: Медицина кызматкерлери ооруга кабылып, кыйналган адамдарга үмүт тартуулап, алардын саламаттыгы үчүн кам көрүшөт