Талас облусунда автоунааны укукка жат түрдө ээлеп алган жаран кармалды

Ушул жылдын 30-октябрь күнү милиция кызматкерлерине Талас шаарынын 22 жаштагы А.Н. аттуу тургуну кайрылып, арызында 30-октябрга караган түнү май куючу жайлардын биринен “Тайота Функарто” үлгүсүндөгү автоунаасын белгисиз адамдар айдап качып кетишкенин билдирип, аларга карата мыйзамдын негизинде тиешелүү чараларды көрүп берүүлөрүн суранган. Бул туурасында Талас ОИИБнин Басма сөз кызматы билдирет.

Талас райондук милициясы тарабынан ыкчам-иликтөө иш-чаралары уюштурулуп, кылмыштын изин суутпай, аталган кылмыш ишине шектүү катары 22 жаштагы А.Б. аттуу Талас шаарынын тургуну кармалган.

Жогорудагы факты боюнча Кыргыз Республикасынын кылмыш-жаза кодексинин 172-беренесинин (Автомобилди же башка автомототранспорт каражатын укукка жат түрдө ээлеп алуу) ылайык кылмыш иши козголгон.

Кармалган жаран убактылуу кармоочу жайга киргизилип, иликтөө иштери жүргүзүлүп жатат.

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *