Ташкент, Самарканд жана Карши шаарларында Каримовдун эстелиги тургузулат

Өзбекстандын Ташкент, Самарканд жана Карши шаарларында өлкөнүн биринчи президенти, маркум Ислам Каримовдун эстелиги тургузулат. Өзбекстандын президенти Шавкат Мирзиёев айкелдердин курулушунун долбоору менен таанышып чыгып, Каримовго арналган мемориалдык комплексти Эгемендүүлүктүн 26 жылдыгын майрамдоого чейин бүткөрүүнү талап кылды.

Президенттин расмий билдирүүсүндө дүйнөлүк коомчулук Ислам Каримовдун ысымын Жордж Вашингтон, Шарль де Голль жана Мустафа Кемаль Ататүрк сыяктуу жогорку орунга коёру айтылат.

1-сентябрь Эгемендүүлүк майрамына чейин биринчи президенттин “Оксарой” резиденциясынын маңдайына Ислам Каримовдун эстелиги орнотулуп, илимий-агартуучулук мүнөздөгү мемориалдык комплекс түзүлөт. Каримовдун айкелин Самаркандда дагы орун алат, эстеликтен алыс эмес жерде музей, фонтан жана гүл бакча болот.

Каримовдун кызматтык карьерасы башталган Карши шаарында дагы айкели тургузулат.

Бул арада Москванын Большая Полянка көчөсүндө Өзбекстандын тунгуч президентинин эстелиги жана гулбакчасы болот. Мамдума былтыр декабрда тиешелүү токтомду кабыл алган. Түркмөнстанда болсо Каримовго арналган гүлзар жана айкелдин ачылышы болуп өттү. Өзбекстандын биринчи президенти 2016-жылы 2-сентябрда 78 жаш курагында мээсине кан таамп көз жумган. Анын Самарканддагы көрүстөнү Өзбекстандагы зыярат кылчу жайга айланды.

Булак: Борбор Азия жаңылыктар кызматы

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *