Тазабек Икрамов, ЖК депутаты: “Эмне үчүн өкмөт “Эйр Кыргызстандын” директору Жолдош Бектургановду кызматтан албай жатат?”

“Мен “Эйр Кыргызстан” авиакомпаниясы боюнча, анын директору Жолдош Бектургановдун мыйзамсыз иштери тууралу мындан мурун да бир нече жолу парламенттен айтып, алтургай протоколдук тапшырма да бергем болчум, бирок жыйынтык жок,”, – деп билдирди Жогорку Кеңештин депутаты Тазабек Икрамов 31-май күнү парламенттин жыйынында.

“Урматтуу өкмөттүн өкүлү, буга чейинки өкмөткө да, премьер-министрге да атайын протоколдук тапшырма берилген. Бирок “Эйр Кыргызстандын” жетекчиси Жолдош Бектургановдун мыйзамсыз айлык алганы боюнча, “Боинг-737″ самолетун араб өлкөлөрүнө субарендага берип, жеке өзүнүн кызыкчылыгына пайдалангандыгы боюнча, бир самолетту мотору жок алып койгондугу боюнча маселелерди көтөргөнбүз. Бирок качан чечесиздер? Качан авиакомпанияга кесипкөй, ишти билген авиаторлорду жетекчи кылып алып келесиздер? Ушул боюнча мага жооп берип коюңуздарчы, эмне үчүн ушул күнгө чейин Жолдош Бектургановду кызматтан албай олтурасыздар?” – деп сурады депутат Тазабек Икрамов.

Булак: Кyrgyztoday.кg

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *