Тажикстан бир канча өлкөдөгү соода өкүлдөрүн чакыртып алды

Тажикстан өкмөтү Казакстан, Өзбекстан, Украина, Ооганстан, Түркия, Кувейт, Германия жана Малайзия өлкөлөрүндөгү өзүнүн соода өкүлдөрүн чакыртып алууну чечти. Бир ай мурда өлкө башчы Эмомали Рахмон тарабынан кол коюлган тиешелүү токтом өткөн апта соңунда гана жарыяланды.

Өкмөттүн эмне себептен мындай чечим кабыл алганы белгисиз. Ошондой эле ал орундарга жаңы кадрлардын дайындалган-дайындалбагандыгы тууралуу дагы маалыматтар жок.

Соода өкүлдөрүнүн чакыртылышы кадрларды алмаштыруу же жаңылоого байланыштуу болушу мүмкүн деп айтылууда.

Элчилерден айырмаланып соода өкүлдөрүнүн иштөө мөөнөтү чектелген эмес.

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *