Тажикстанда калктын дээрлик жарымы таза сууга жетпейт

Тажикстанда калктын дээрлик жарымына (43 пайызга жакыны) таза суу жетпейт. Турак жай-коммуналдык чарба ишканасы кабарлагандай, Борбор Азиядагы суу байлыгынын теңинен көбү Тажикстан аймагында болгону менен  калктын 57 пайызы гана таза суу менен камсыздалган.

Маалыматтарга караганда, өлкөнү таза суу менен камсыздоо үчүн эки миллиард доллардан ашуун каражат керек. Суу түтүктөрү иштен чыккан, аларды оңдоо үчүн бюджеттен акча каралган эмес.

Тажик бийлиги бул маселени жөнгө салуу үчүн эл аралык уюмдарды жардамга чакырууда. Чет өлкөлүк инвестор жана донорлордун жардамы менен гана Исфара, Канибадам, Гулистон, Бустон, Хорог жана Истиклол шаарларындагы 1 миллион 200 миң киши таза суу менен камсыздалышы мүмкүн.

БУУнун маалыматы боюнча, учурда жер жүзүндөгү 1 миллиарддай киши таза суудан өксүп келет. Бул болсо көптөгөн оорулардын пайда болушуна жол ачууда.

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *