Тажикстанда көрүстөн талкалаган киши айыппул менен жазадан кутулду

Бохтар районунун жашоочусу Дилшод Давлатбеков Хурсанди кыштагындагы көрүстөндү талкалагандыгы үчүн күнөөлүү деп табылып, 15 миң сомони ($1600)айыппул төлөөгө милдеттендирилди. Тергөө Дилшод Давлатбеков мүрзөдөгү 28 эстелик ташты талкалаганын аныктаган.

Жергиликтүү тургун “Өлгөн кишинин сөөгүн жана алардын көмүлгөн жерин кордоо” беренеси боюнча күнөөлөндү. Сот Дилшод Давлатбеков күнөөсүн моюнга алып, кечирим сурагандыктан айыппул чегерилгенин билдирди.

Айыпталуучунун туугандары ал психикалык жактан жабыркай турганын айтышкан, бирок дарыгерлер Дилшоддун саламаттыгы таза экенин аныкташкан.

Айыппулду төлөө үчүн апасы уюн, бир нече коюн сатып, 8 миң сомони топтогонун билдирди. “Айыппул чоң, бирок туугандардын баары жардам берүүдө. Тун балам дагы уюн сатты”,-деп билдирди Чинигул Давлатбекова.

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *