Тажикстанда майыптарды алдап жүргөн топтун иши сотко өттү

Тажикстанда кайрымдуулук уюмунун кызматкерлерибиз деп майыптардын ишенимине кирип, алардын акчаларын алып кеткен төрт адамга карата козголгон кылмыш иши боюнча тергөө аяктады. Бул тууралуу өлкөнүн ИИМинен билдиришти.

Маалыматка караганда, шектүүлөр ири өлчөмдөгү алдамчылыкка айыпталып жатышат. Алар кайрымдуулук уюмунда иштей тургандыктарын айтышып, жардам катары Дүйшөмбүдөгү майыптарга 3 литрден өсүмдүк майын жана 50 сомониден акча берип ишенимине кирген. Андан соң арзандатылган баада батир, унаа жана санаторийлерге жолдомо бере тургандыктарын айтып, майыптардан 200 миң сомониден ашык акча алышкан. Жалпысынан аларга 35 киши алданган.

ИИМдин басма сөз кызматынан төрт адам тең алдамчылык фактысы боюнча үч ай мурда кармалганын билдиришти. Бирок тергөө иштеринин жүрүшүндө бул сыяктуу ондогон фактылар белгилүү болгон. ИИМдин маалыматы боюнча, алар өздөрүн «Майыптарга жардам» аттуу кайрымдуулук уюмунун кызматкерлерибиз деп тааныштырып, жасалма мөөр колдонуп жүрүшкөн.

Иш боюнча материалдар сотко 19-апрелде өткөрүлдү.

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *