Тажикстанда райондук соттун төрагасына кол салуу болду

Тажикстанда Пяндж райондук сотунун имаратында төрага Давлатманд Рахимзодага балта менен кол салуу болуп, ал ооруканага жеткирилди.

Кол салууга шектелип 39 жаштагы Диловар Олимов аттуу жергиликтүү тургун кармалды. Укук коргоо органдарындагы булак кабарлагандай, ал мурдагы жубайы менен бир канча жылдан бери соттошуп келген жана ал ишти судья Давлатманд Рахимзода караган.

Маалыматка караганда, Олимов алименттин көлөмү боюнча соттун чечимине макул болбой, судья менен бир канча жолу талашып-тартышууга барган. “Бир жолу Олимов сот отурумуна кирип келгенде төрага күзөтчүлөрдөн жардам суроого аргасыз болгон. Бул жолкусунда ал балта менен судьяга кол салды”, – деди булак.

Кол салуу маалында төраганын иш бөлмөсүндөгү эмеректер да талкаланган. Бул факты боюнча кылмыш иши козголду. Учурда тергөө иштери жүрүүдө.

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *