Видео – Тажикстанда селден жабыркаган тургундар жол тосушту

Өткөн жумада селден жабыркаган Хатлон облусундагы Хуромон районунун ондогон тургуну бийликтен үйлөрүн калыбына келтирүүгө жардам берүүнү талап кылып, 17-майда Бохтар-Душанбе унаа жолун тосушту.

«Озоди» радиосу жарыялаган видеодо жол тосулган жерде милиция жана аскер кызматкерлери жүргөнүн, автоунаалардын узун тыгыны жаралганын көрүүгө болот.

Азырынча бийлик бул окуя боюнча комментарий бере элек.

14-май күнү кечинде Хуросон районундагы селден бир киши каза болуп, ондогон турак-үй зыянга учураган. Райондук өзгөчө кырдаалдар бөлүмүнүн жетекчиси 10 үй толугу менен жарабай калганын айткан. Бирок жергиликтүү тургундар келтирилген чыгым кыйла көп экенин билдиришүүдө.

Быйыл 21-мартта да Хуросон районун суу каптап, талаада иштеп жүргөн 59 жаштагы жергиликтүү тургун мерт болгон. 200дөн ашык үйдү жана короолорду суу каптаган.

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *