Тажикстанда улуттук акча которуу системасы ишке кирет

Тажикстанда 1-сентябрдан тарта каржы базарынын катышуучулары жана операторлор менен иштешүү үчүн улуттук акча которуу системасы ишке кирет. Бул тууралуу өлкөнүн Улуттук банкы билдирди.

Мекеме мындай чечими тууралуу орусиялык жана эл аралык акча которуу системаларына кабар берди. Ага ылайык, 1-сентябрдан тарта Тажикстандын банктары эл аралык акча которуу системалары менен түздөн-түз иштеше албай калышат. Бул үчүн алар алгач Улуттук банкта атайын эсеп ачып, анда каражат болгондо гана улуттук акча которуу системасы аркылуу операцияларды ишке ашыра алышат.

Мекемеден билдиришкендей, жаңы системанын негизги максаты «өлкөнүн банк системасынын туруктуулугун колдоо, операциялык тобокелдиктер менен чыгымдарды азайтуу, операциялардын ачыктыгын камсыздоо жана акча которуулардагы чайкоочулукту токтотуу» болуп эсептелет.

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *