Тажикстандын Президенти Эмомали Рахмон Президент Сооронбай Жээнбековду Улуу Ата Мекендик согуштагы Жеңиштин 75 жылдыгы менен куттуктады

Тажикстан Республикасынын Президенти Эмомали Рахмон Кыргыз Республикасынын  Президенти Сооронбай Жээнбековду  Улуу Ата Мекендик согуштагы Жеңиштин 75 жылдыгы менен куттуктады.

«Улуу Жеңишке мурунку Советтер Союзунун бардык элинин жалпы душманга каршы бир сапка туруп жасаган эрдигинин, каармандыгынын, биримдигинин жана жанын аябастан эмгектенүүсүнүн натыйжасында жетишилген.

Согуш талаасында жана оорукта биз үчүн жеңишке жетишкендердин элесин эскерип, алардын теңдешсиз эрдиги менен сыймыктанабыз.

Мезгилдин сыноосунан өткөн биздин өлкөлөрдүн достук жана кызматташтык мамилелери боордоштуктун, өз ара сыйлоо, колдоо жана жардам берүү салтын улап, мындан ары да элибиздин жыргалчылыгы, тынчтыгы жана туруктуулугу үчүн бекемделип, өнүгө берерине ишенемин.

Сизге бекем ден соолук жана Сиздин мамлекеттик ишмердүүлүгүңүздө жаңы ийгиликтерди, ал эми эми боордош Кыргызстандын элине тынчтык, бакубаттуулук, мындан ары да туруктуу өнүгүп-өсүүнү каалаймын», — деп белгиленет Тажикстандын Президентинин куттуктоосунда.

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *