Темир Сариев кызматтан кетти деген калп, бирок кетээрине саналуу күндөр калды!

Темир Сариев кызматынан кетиптир деген маалымат бүгүн, 1-апрель күнү интернет булактарында жаңырды. Буга 1-апрелде тамашага салып ушундай маалыматтарды таратуу өнөкөтүн бар экенин унутуп калгандары ишенип, алар “Темир Сариевдин кызматтан кетиши күтүлгөн окуя” деп кабыл алышты.

Анткени, Темир Сариев Кыргызстандын кайсыл жеринде өрт чыкса ошол жерди барып басуу менен гана алектенип, аларды алдын алуу иштери менен аракети жок экенин көп айта башташты. Экинчиден, Сариевдин эң чоң кемчилиги бул Евразиялык Экономикалык биримдике киргенден кийинки жакшы пайда алып келе турган мүмкүнчүлүктөрүбүздү колдоно албай жатканы.

Буга премьер-министр түздөн-түз жоопкер. Өкмөт башчылар жооп бере турган күн келээрде эле кызматынан кетип кутулушаарын коомчулук деле жакшы билип калды. Бир жылга жакын өкмөт башчылык кызматты аркалаган Темир Аргенбаевичтин дагы жалпы ишинин жыйынытыгы үчүн жана ЕАЭБге киргенден кийин “асманды алып берем” деген убадалары үчүн жооп бере турган күн жакындады. Ошондуктан өкмөт башчы кызматтан кетти деген маалыматты укса эл күтүлө турган окуя катары кабыл алышат.

Булак: “Эгемен”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *