Темир Сариев, премьер-министр: Жаныбарларга паспорт берүү (идентификацияоо) боюнча ыкчам чаралар көрүлөт

Кечээ, 17-февралда, Кыргыз  Республикасынын Премьер-министри Темир Сариевдин төрагалыгы алдында жаныбарларды идентификациялоо жаатындагы иш-чараларды жүргүзүү жана ыйгарым укуктуу мамлекеттик органды аныктоо боюнча жыйын өттү. Бул тууралу өкмөттүн басма сөз кызматы билдирет.

Жыйынга тиешелүү мамлекеттик органдардын жетекчилери жана Жогорку Кеңештин Агрардык саясат, суу ресурстары, экологиялык жана региондук өнүктүрүү комитетинин мүчөлөрү катышты.

Премьер-министр Темир Сариев бул маселе орчундуу экенин белгилеп, малды идентификациялоо иштери создугуп жатканын билдирди. Премьер-министр малды идентификациялоо боюнча конкреттүү иштерди баштоо мезгили келгенин билдирип, бул өнөктүктү жүргүзүү үчүн ыйгарым укуктуу орган катары Кыргыз Республикасынын Өкмөтүнүн алдындагы  Тамак-аш, ветеринария жана фитосанитардык коопсуздук боюнча мамлекеттик инспекция аныктоо боюнча токтомго кол койду.

Темир Сариев аталган орган эки жума ичинде идентификациялоо боюнча деталдуу план даярдап чыгып, бул жааттагы иштерди кечиктирбестен баштоо тапшырмасын берди.

Темир Сариев жаныбарларды идентификациялоону ишке ашырууда Өкмөттүн алдындагы  Тамак-аш, ветеринария жана фитосанитардык коопсуздук боюнча мамлекеттик инспекциянын жетекчилиги жеке жоопкерчилик тартаарын кошумчалады.

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *