Тилек Токтогазиев, айыл чарба министри: “Мен Конституциянын жаңы редакциясына каршымын”

Айыл чарба министрлигинин башчысы Тилек Токтогазиев Конституциянын жаңы редакциясына каршы чыкты. Ал бул версия өтө чийки жана коомдун бөлүнүп-жарылышына алып келет деп эсептейт. Мындай пикирин ал бүгүн, 18-ноябрда Facebook социалдык тармагындагы баракчасына жазып чыкты.

“Бийлик бутактарынын ортосундагы тең салмактуулук бузулат. Бизге адамдын диктатурасы эмес, Мыйзамдын диктатурасы керек. Мыйзам гана оюндун эрежелерин аныкташ керек. Баарыбыз ушул коомдук келишимди сыйлоону үйрөнүшүбүз керек. Эгерде коомдун бир бөлүгү бул келишимдеги өзгөртүүлөрдү жактырбаса, анда аларды күч менен таңуулоого болбойт. Эртеби-кечпи, бул жарылууга алып келет.

Ошондуктан, редакциянын авторлорун референдумга шашылбоого жана жалпы коомчулукту ар бир пункт боюнча ачык талкууга чакырууну сунуштайм. Конституция консенсус менен гана кабыл алынышы керек. Болбосо, силер кийинки саясий туруксуздуктун толкунуна жоопкерчиликтүү болосуңар” – деп жазды ал.

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *