ТИМ: “Кытайда кармалган кыргыздар жөнүндө маалымат тактала элек”

Кытайдын Синьцзянь уйгур автономдук районунда этникалык кыргыздардын себепсиз кармалып, “тарбиялоо лагерлерине” жөнөтүлүп жаткандыгы жөнүндө маалыматты Кыргызстандын Тышкы иштер министрлиги текшерип жатат. Бул тууралуу журналисттерге министр Чыңгыз Айдарбеков билдирди.

Анын айтымында, Кытайдагы этникалык кыргыздардын камалуусу тууралуу маалымат азырынча тактала элек.

“Биз азыр бул маселени текшерип, көзөмөлдөп жатабыз. Ага өтө дыкат мамиле кылуу керек” – деп билдирген министр.

Эске салсак, жакында эле Кытайда себеби жок кармалып, тарбиялоо лагерлерине жөнөтүлгөн кыргыздардын туугандары президент Сооронбай Жээнбековго жардам берүү өтүнүчү менен кайрылышкан.

Парламенттин эл аралык иштер, коргонуу жана коопсуздук боюнча комитети аталган маселени бүгүн жабык эшик артында талкуулады.

Айрым маалымматтарда Кытайда 50миң кыргыз камалган деп айтылууда.

Булак:KyrgyzToday

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *