ТИМ: Шанхай кызматташтык уюмуна мүчө-мамлекеттердин башчыларынын Кеңешинин жыйынына 300дөн ашык журналисттер аккредиттөөдөн өтүштү

Ушул жылдын 22-майынан тартып, Кыргыз Республикасынын Тышкы иштер министрлиги тарабынан 2019-жылдын 14-июнунда Бишкек шаарында өтө турган Шанхай кызматташтык уюмуна мүчө-мамлекеттердин башчыларынын Кеңешинин жыйынын чагылдырууга катыша турган чет өлкөлүк журналисттерди аккредиттөө иши башталган. Бул тууралу КР ТИМинин басма сөз кызматы билдирет.

Иш-чараны чагылдырууга 300дөн ашык журналисттер билдирүү жиберишти. Бул Беларусь, Индия, Иран, Кытай, Монголия, Пакистан, Россия, Өзбекстан жана Япония сыяктуу өлкөлөрдүн ЖМК өкүлдөрү, анын ичинде, КР ТИМден аккредиттөөдөн өткөн чет мамлекеттердин (Франция, Улуу Британия, АКШ жана Германия) журналисттери.

Алардын ичинде: 30 телеканал, 10 радиостанция, 20 маалымат агенттиктери жана 10 гезит, атап айтканда, «Россия сегодня» эл аралык маалымат агенттиги, CCTV кытай телеканалы, «Xinhua» маалымат агенттиги, «Россия» Бүткүл россиялык мамлекеттик телекөрсөтүү жана радио уктуруу компаниясы, УзА – Өзбекстандын улуттук маалымат агенттиги, Indian Express, «Иомиури» япон гезити, Daily Pakistan жана башкалар.

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *