Kyrgyztoday
Kyrgyztoday » Жаңылыктар » Трамп Орусия менен байланышын иликтөөчү атайын комиссия түзүүгө каршы экенин айтты
Дүйнө жүзүндө Саясат

Трамп Орусия менен байланышын иликтөөчү атайын комиссия түзүүгө каршы экенин айтты

АКШ президенти Дональд Трамп айланасындагы адамдардын Орусия менен байланышын иликтөө үчүн атайын комиссия түзүүгө каршы экенин билдирди.

Президент бейшембидеги брифингде бул кадам өлкөнү бөлүп-жарып жатканын белгиледи. Трамп Орусия менен эч кандай жашыруун сүйлөшүүлөр болбогонун жана ФБРдин экс-директору Жеймс Комиден мурдагы кеңешчиси Майкл Флинндин Орусия менен байланышын иликтөөнү токтотууну өтүнбөгөнүн билдирди.

АКШ лидери Комини кызматтан алуу чечимин эки партия тең колдойт деп үмүттөнүп жатканын айтты.

Орусиянын АКШдагы өткөн жылкы президенттик шайлоого кийгилишүүсү боюнча ФБРдин иликтөөсүн жетектеген Коминин отставкасынан кийин өлкөдө тергөө түзүмдөрүнүн көз карандысыздыгы жана мындай чечимдердин мыйзамдуулугу өңдүү маселелер көтөрүлө баштаган.

17-майда АКШнын Юстиция министрлиги Трамптын шайлоо штабынын Москва менен ыктымал байланышын иликтөөнү ФБРдин мурдагы директору Роберт Мюллерге тапшырган.

Булак: “Борбор Азия жаңылыктар кызматы”

Япониядагы кыргыз элчиси Мирлан Арстанбаев «Санариптик коомду илгерилетүү» уюмунун төрагасы Сожи Сузуки менен жолугушту

Япониядагы круиздик лайнердеги карантин аяктады

Япониядагы круиздик кемедеги кыргызстандыктан коронавирус табылды