Түндө коменданттык сааттын эрежелерин бузган 320 жаран милиция бөлүмдөрүнө жеткирилген

Кыргыз Республикасынын аймагындагы өзгөчө абал киргизилген Бишкек, Ош, Жалал-Абад шаарына Ноокат, Кара-Суу, Сузак райондоруна коменданттык саат киргизилген убакыттын ичинде тактап айтканда кечки саат 20.00 эрте мененки 07.00 убакыттын ичинде жалпы республика боюнча коменданттык сааттын талаптарын жана эрежелерин эскертүүлөргө карабай бузгандыктары үчүн ички иштер органдарынын бөлүмдөрүнө 320 жаран жеткирилди, 9 автоунаа токтотулду. Бул тууралуу ИИМдин басма сөз кызматы билдирди.

Алардын ичинен Бишкек шаары боюнча – 193, Ош шаары боюнча -25, Жалал-Абад шаары – 10, Сузак району боюнча – 26, Ноокат району боюнча – 11 жана Кара-Суу районунда – 55. Алардын бардыгына коменданттык сааттын талаптары менен эрежелерин бузгандыктары боюнча түшүндүрүү иштери жүргүзүлүп, экинчи кайталанбоосу эскертилип, коменданттык сааттын аякташы менен коё берилди.

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *