Түркмөн президенти атасына арнап жаңы китеп жазды

Түркмөнстан ИИМинин аскер бөлүктөрүнүн биринде президент Гурбангулы Бердымухамедовдун “Кайраттуу жигиттер эрдик үчүн төрөлөт” аттуу китебинин бет ачары өттү.

Түркмөнстандын расмий ММКлары кабарлагандай, жаңы чыгарма өлкө ИИМинин тарыхына багытталган.

Мамлекет башчы атасынын турмуш жолу ал үчүн – өрнөк, бабалардын асыл, ар-намыстуу сапаттары – мектеп экенин жазган.

Түркмөн президенти буга чейин атасы Мяликгулы Бурымухамедовго “Довлет гушы”, чоң атасы Бурдымухаммед Аннаевге “Алем ичре ат гезер” аттуу китептерин арнаган.

Түркмөнстанды он жылдан бери башкарып келе жаткан президент 40тан ашуун китептердин автору, алар тарых, экономика, дары чөптөр, улуттук салт-санаага негизделген. Былтыр эле өлкө башчы 7 китеп жазган.

Түркмөнстандын орто мектептеринде мугалимдер сабакта окуучулардан президенттин макалдарын, учкул сөздөрүн мисал келтирип турууну талап кылат.

Булак: “Борбор Азия жаңылыктар кызматы”

 

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *