Түркмөнстан дипломаттарга Овадан Депе абагынын эшигин ачат

Жакынкы убактарда чет өлкөлүк дипломаттар негизинен саясий туткундар кармалган Түркмөнстандын Овадан Депе абагына кирүүгө мүмкүндүк алуулары мүмкүн. Бул тууралуу «Түркмөнстандын альтернативдүү жаңылыктары» сайты ИИМдеги өз булагына шилтеме кылып билдирди.

Басылманын маалыматына караганда, дипломаттар абакка жакынкы 2-3 айдын ичинде киргизилиши мүмкүн. Мындай кадам ушул жылы күзүндө Ашхабадда өтө турган Азия оюндарына жакын эл аралык коомчулук алдында өлкөнүн имиждин жакшыртуу максатында жасалып жатканы кабарланууда.

Сайттын булагы билдиргендей, учурда абактын кызматкерлери даярдык көрүп жатышат. Комиссия камералар менен санитардык түйүндөрдүн, ашкананын жана азык-түлүк кампаларынын абалы менен таанышууда. Андан тышкары камактагылардын саламаттыгы текшерилип, алар менен сүйлөшүүлөр жүргүзүлүүдө.

«Аларды тирүү бойдон көрсөткүлө» деп аталган укук коргоо уюмунун маалыматына ылайык, Овадан Депеде саясий негизде соттолгон 80ден ашык киши дайынсыз жоголгон. Укук коргоо уюмдары Эл аралык Кызыл чырым, БУУ жана ЕККУнун өкүлдөрүнүн «Овадан-Депеге» кирүүсүнө мүмкүндүк берүү маселесин бир канча жолу көтөрүп чыгышкан. Бирок Түркмөнстан бийлиги тарабынан оңгулуктуу жооп болбой келген.

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *