Турсунбеков: Өкмөттүн кетээр-кетпеси анын отчетуна жараша болот

Өкмөт башчы Сооронбай Жээнбековдун кызматтан кетээр-кетпесин депутаттар чечет. Бул тууралуу Жогорку Кеңештин төрагасы Чыныбай Турсунбеков Бишкектеги Ботаникалык бактагы ишембилик учурунда билдирди. Анын айтымында, келерки аптада парламент өкмөттүн жылдык отчетун угат.

– Бардыгы өкмөттүн отчетуна байланыштуу болот. Эгер отчет депутаттарга жакса, бул өкмөттүн мындан ары иштеп калуу мүмкүнчүлүгү бар, – деди спикер Чыныбай Турсунбеков.

Сооронбай Жээнбеков былтыр апрелде өкмөт башчы болуп шайланган. Аны Жогорку Кеңештеги башкаруучу коалиция сунуштаган. Жээнбеков эгемен Кыргызстандын тарыхындагы 28-өкмөт башчы.

Апрель ыңкылабынан бери эле коррупциялык чатак, Кумтөр, жол куруу боюнча тендерге байланыштуу чырлуу иштердин айынан сегиз жолу өкмөт алмашты.

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *