Түштүк-Казакстанда аутист балдардын саны өсүүдө

Түштүк-Казакстан облусунда 121 бала аутизм менен каттоодо турат.

Облустук психоневрологиялык диспансерден кабарлашкандай, жыл өткөн сайын аутизм менен жабыркагандардын саны өсүүдө. 2000-жылы болгону 10 аутист бала каттоодо турган.

“Аутизмди жеңебиз” долбоорунун өкүлү Толкын Турапбекованын айтымында, Казакстанда аутист балдарды колдоо үчүн жетиштүү мүмкүнчүлүктөр жок.

Бирок Түштүк-Казакстан облусунун билим берүү башкармалыгынын башкы адиси Галия Жанаева аутист балдарга билим берүү жана коомчулукка аралаштыруу боюнча бардык шарттар түзүлгөнүн билдирүүдө. Анын айтымында, 3 жаштан 18 жашка чейинки 59 аутист бала окууга жиберилген.

“Аутизимди жеңебиз!” коомдук фондунун координатору Жандос Сеит мамлекет буга эми гана көңүл бөлө баштагынын баса белгиледи. “Самрук-Казына” улуттук фондунун колдоосу менен Караганда, Кызылордо, Алматы жана Астанада аутист балдарды өнүктүрүү борборлору иштеп баштады.

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *