Украинада Яндекс, Вконтакте, Одноклассники жабылат

Ири орусиялык интернет-ресурстар, анын ичинде – Яндекс, Вконтакте жана Одноклассники президент Петр Порошенконун жарлыгы менен жабылат. Ресурстарга ээлик кылган компаниялар санкциялык тизмеге киргизилди.

Жарлыкка ылайык, провайдерлер үчүн үч жылга Mail.ru, Вконтакте (vk.com) жана Одноклассники (ok.ru) сервистерине кирүүгө тыюу салынат. Мындан тышкары Яндекс сайтынын бардык ресурстарына (yandex.ua, yandex.ru), Касперский Лабораториясы жана Доктор Веб антивирус компанияларына дагы бөгөт коюлат.

Өлкөнүн маалымат саясаты боюнча министрлиги бул боюнча комментарий бере элек.

Бул ресурстар Украинада азырынча иштеп жатат.

Жарлык Украина президентинин сайтында 15-майда жарыяланган. Бул Улуттук коопсуздук жана коргонуу кеңешинин 28-апрелдеги санкциялык тизмелерди кеңейтүү боюнча чечиминин аткарылышын шарттайт. Жарлык жарыяланган күндөн тарта күчүнө кирет.

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *