Укук, бизнес, билим берүү академиясынын студенттерине судья лекция өттү

2017-жылдын 29-мартында Жалал-Абад шаарындагы Укук, бизнес, билим берүү академиясынын студенттерине “Экономикалык иштерди кароонун негизги маселелери” темасында лекцияны Жалал-Абад областынын райондор аралык сотунун төрагасы Мажитов Бакыт Омурзакович өткөрдү. Бул тууралуу Жалал-Абад областтык сотунун пресс-кызматы маалымдады.

Отображается файл "IMG_1359.JPG"

Областтын райондор аралык сотунун төрагасы Б. Мажитов теманы студенттерге түшүндүрүп, экономикалык иштерди кароодо теориялык билим практикада кантип ишке ашаарын, тараптардын сотко берген далилдерине жана жүйөлөрүнө мыйзамдын талаптарында көрсөтүлгөндөй кантип баа берилип, чечим кабыл алынаары тууралуу маалымат берди.

Отображается файл "IMG_1365.JPG"

Студенттер лекцияда өздөрүнүн суроолорун беришип, экономикалык талаш-тартыштын пайда болуусунун себебин, жеке ишкерлердин жана юридикалык жактардын кандай укуктарын жана эркиндиктерин райондор аралык соту коргогондугу жөнүндө жоопторун алышты.

Бул күнү белгиленген темадан сырткары, төрага Б. Мажитов студенттерге жаш кезинен эле мыйзамды сактоого жана сыйлоого чакырып, коомдогу ар кандай терс көрүнүштөгү топторго кошулбоого жана мыйзамдарды бузгандыктын кесепеттери тууралуу маек куруп берди.

​                                              ​

​                                              ​

 

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *