Улуттук банк коллекциялык монеталарды сатуу боюнча аукцион өткөрөт

Кыргыз Республикасынын Улуттук банкы, улуттук валютанын киргизилишинин күнүнө карата жана коллекционерлердин, нумизматтардын коллекциялык нумизматикалык монеталарга талабын канааттандыруу максатында алтын жана күмүш монеталарын сатуу аукциону өткөрөт. Бул тууралуу Улуттук банктын басма сөз кызматы билдирди.

Маалыматта айтылгандай бүгүнкү күндө улуттук валютанын коллекциялык монеталары өзүнүн өзгөчөлүгү менен эле айырмаланбастан, маалыматтын маанилүү булагы жана ошол эле учурда пайдалуу финансылык салым болуп эсептелет. Тажрыйба көрсөткөндөй, Кыргыз монеталарынын чектелүү тиражы алардын жогорку деңгээлдеги раритет экендигин билдирип турат. Эл аралык нумизматикалык рыноктордо, Кыргызстандын сатылып бүткөн коллекциялык монеталары, КМШ монеталарынын ичинен эң көп суроо-талап жараткан монеталар рейтингинде жогорку чекти ээлеп келет.

Аукцион 2016-жылдын 18-майында саат 16.00дө Бишкек шаарындагы Т.Үмөталиев көчөсүндө жайгашкан Улуттук банктын басма сөз борборунда өткөрүлөт.

Лоттун мазмуну:

Лоттун номери Лоттун мазмуну: Баштапкы баа (сом)
1. «Ош-3000» алтын монетасы                 – 1 даана. 27 000
2. «Манас эпосуна 1000 жыл» күмүш монетасы       – 1 даана. 5 000
3. «Чынгыз Айтматов» күмүш монетасы     – 1 даана. 5 000
4. «Аркар» күмүш монетасы                                            – 1 даана.  5 000
5. «Улуу Жеңишке 60 жыл» күмүш монетасы             – 1 даана. 5 000
6. «Ташрабат» күмүш монетасы                                      – 1 даана. 5 000
7. «Акмаңдай гүл» күмүш монетасы                              – 1 даана. 5 000
8. «Кызматташуунун Шанхай уюму» күмүш монетасы – 1 даана. 5 000
9. «Өзгөн архитектуралык комплекси» күмүш монетасы – 1 даана. 5 000
10. «Хан-Теңири» күмүш монетасы                                  – 1 даана. 5 000
11. «Улуттук валютага 10 жыл» күмүш монетасы        – 1 даана. 5 000
12. «Улуу Жеңишке 70 жыл» күмүш монетасы              – 1 даана. 5 000

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *