Улуу Британиянын премьер-министри Кэмерон отставкага кетерин билдирди

Улуу Британиянын премьер-министри Дэвид Кэмерон октябрда отставкага кетерин билдирди. Анын бул чечими жалпы улуттук референдумдун жыйынтыгына байланыштуу болду. Кэмерон өлкөгө жаңы лидерлер керек деп эсептейт.

Анын айтымында, референдумдун жыйынтыгы британиялыктардын турмушуна эч кандай деле өзгөрүү алып келбейт. Консерватор Дэвид Кэмерон өлкөнүн Евробиримдик курамында калуусун жактаган.

Кечээ өткөн референдумда шайлоочулардын көпчүлүгү Евробиримдиктен чыгууну колдоду.

Негизи референдум сунуштоо мүнөзүнө ээ. Антсе да өкмөт буга чейин эгер британиялыктар Евробиримдиктен чыгууну жактаса, ЕБ курамынан чыгуу боюнча жараянды баштоону убадалаган.

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *