Валентина Шевченко, UFC чемпиону: “Ош базарын кыдырганды жакшы көрөм”

UFC чемпиону Валентина Шевченко бүгүнкү маалымат жыйынында Кыргызстандагы сапары учурунда эмне менен алек болорун айтып берди.

«Бул жерде бир апта жүрөм. Өтө көп адам менен жоолуккум келет, бирок жетишпей калат окшойм. Убакыттын көбүн үй-бүлөм менен өткөрөм. Андан соң Санкт-Петербургга эжем Антонинанын беттешине барам»,-деди ал.

«Кыргызстандагы эки жер тууралуу такай ойлонуп жүрөм: Ысык-Көл жана Ош базары. Бул жолу дагы, убакыт болсо, Ош базарын сөзсүз кыдырам. Мен үчүн ал жер жөн гана бир нерсе сатып алчу жай эмес. Ал маданияттын бир бөлүгү сыяктуу»,-деп белгиледи Валентина Шевченко.

«Кайра качан келеримди айта албайм. Бирок бул жайында болот.  Президент Сооронбай Жээнбеков кайсы мезгилде келсең да кубанычтабыз деп айтты»,-деп жыйынтыктады ал.

Валентина Шевченко Кыргызстанга бүгүн келди.

Булак:KyrgyzToday

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *