Видео – “Ак-Тилек автожолу” постунда транспорт инспекторлору айдоочуларды “сасык”, “терпила” деп кемсинтип, кол көтөрүшкөн

Кечээ, 14-майда кыргыз-казак чек арасындагы “Ак-Тилек автожолу” өткөрмө пунктунда салмак габаритти көзөмөлдөө кызматынын кызматкерлери менен айдоочунун ортосунда чыр чыккан. Чыр-чатактын видеосу социалдык тармактарда тарады.

Айдоочу кызматкерлер менен чырдаша кетип, бардыгын видеого тартып жатканын айткан. Кызматкерлер айдоочуну “сасык”, “терпила” деп, ага кол көтөрүшкөн.

КР транспорт жана жолдор министрлиги Ак-Тилек өткөрүү пунктундагы кызматкерлер менен айдоочуунун ортосундагы чыр тууралуу билдирүү тараткан.

Министрликтин айтымы боюнча, кечээ, 14-майда өткөрмө пунктунда көзөмөл кызматкери менен айдоочунун ортосунда чыр чыккан. Буга байланыштуу КРнын Транспорт жана жол министрлигине караштуу Автомобиль, суу транспорту жана салмак-тыш өлчөм көзөмөлдөө агенттиги тарабынан иликтөө иштери башталган. Иликтөө аяктаганга чейин эки кызматкер кызматтан четтетилген.

“Окуяны видеого тарткан айдоочунун дагы чыр чатакты козутуучу талаптары болушу мүмкүн экендигин эскертебиз.  Окуянын бардык себептери иликтөө кызматы тарабынан аныкталат жана анын жыйынтыгы боюнча тиешелүү чаралар көрүлөт”, – деп айтылат министрликтин маалыматында.

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *