Видео – Кой-Таш окуялары боюнча сотто айыпталуучулардын бардыгы сот залынан чыгарылды

Бүгүн, 16-сентябрда Бишкек шаарынын Биринчи Май райондук сотунда 2019-жылдын 7-8-августундагы Кой-Таш окуялар боюнча соттук отурум уланды. Отурумда судья Марат Сыдыков төрагалык кылды.

Кылмыш иши боюнча айыпталуучулардын бири Кундуз Жолдубаева Facebook социалдык тармагындагы баракчасына билдиргендей, сотто УКМКнын “Альфа” атайын түзүмүнүн кызматкерлери көрсөтмө беришти.

“Фархат Баабиев күбөгө суроо бергиси келди. Бирок судья ага мүмкүнчүлүк бербей, сот залынан чыгарууну чечти. Жактоочулар бул чечимди негизсиз деп эсептешет. Калган айыпталуучулар дагы адвокаттарын колдоп, нааразычылык билдирип залдан чыгып кетүү каалоосун билдиришти. Жыйынтыгында судья Марат Сыдыков сот залынан бардыгын чыгарды” – деп жазган Кундуз Жолдубаева.

Во время судебного заседания по событиям в Кой-Таше судья Марат Сыдыков принял решение удалить из зала судебных заседаний обвиняемого Фархата Баабиева. Показания в суде дают бойцы ССН "Альфа". Фархат Баабиев хотел задать вопрос свидетелю. Однако судья не дал ему возможность и решил удалить из зала. Защитники считают это решение необоснованным. Остальные обвиняемые тоже поддержали адвокатов и в знак протеста изъявили желание покинуть зал. В итоге судья Марат Сыдыков всех удалил из зала суда. Объявлен перерыв до 14.00 часов.

Опубликовано Kunduz Zholdubaeva Вторник, 15 сентября 2020 г.

Эске сала кетсек, 7-августта мурдагы президент Алмазбек Атамбаевдин Кой-Таштагы хан сарайында аны кармоо операциясы УКМКнын кызматкерлери тарабынан жүргүзүлүп, ишке ашпай калган. Атамбаевдин тарапташтары менен кагылышуу болуп, полковник Үсөнбек Ниязбеков каза болгон. Чүй ОИИББнин жетекчиси Самат Курманкулов башынан жабыркап, ооруканага жеткирилип, эки жолу операция болгон. Бир топ адамдар ар кандай жаракат алып, ооруканага жеткирилген. УКМКнын алты кызматкери барымтада калган. Эртеси, 8-августта Атамбаев өзү колго түшүп берип, УКМКга жеткирилген. Кой-Таш окуясы боюнча Жазык кодексинин “Киши өлтүрүү”, “Адамдын өмүрүнө кол салуу”, “Барымтага алуу”, “Жапырт башаламандык”, “Бейбаштык”, “Бийлик өкүлдөрүнө коркунуч келтирүү жана зомбулук” беренелеринин негизинде кылмыш иши козголгон. Башкы прокуратура айыпталуучулардын көбүн жогоруда аталган фактылар боюнча күнөөлүү деп эсептейт. Атамбаев баштаган айыпталуучулар аны четке кагып жүрүшөт.

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *