Видео – Кыргыздар да италиялык диджей Бенни Бенассинин “Satisfaction” (“Ыракаттануу”) клипине пародия жасашты

Кыргыздар да италиялык диджей Бенни Бенассинин “Satisfaction” (“Ыракаттануу”) клипине пародия жасашты. Анда кечээ кырнетте тараган россиялык авиация институтунун курсанттары жасаган клиптин видеобөлүгү менен кыргыз ырчысы Кайрат Кыргыздын (Салмакеевдин) “Жаштык кез” ырын монтаждашкан.

Мындай тамашалуу пародияны Алекс Егоров аттуу каймана аты бар кыргыз фейсбук колдонуучусу таратты.

Эсиңиздерге сала кетсек, кечээ, 18-январда Россиянын Ульяновск шаарындагы авиациялык институттун курсанттары түрсүчөн жылаңач денесине кара курларды курчанып, баштарына кесиптик фуражкаларын кийип италиялык диджей Бенни Бенассинин  “Satisfaction” (“Ыракаттануу”) клипине жасаган пародиясы кырнетте да тараган.

Пародия Россияда 16-январдан бери тарап, институттун ректору курсанттарды окуудан чыгарам деп опурулуп, транспорттук прокуратура иликтөө баштап, облустун губернатору институтту текшерүүгө комиссия түзүп жатыптыр.

Ал эми орусиялык коомчулук курсанттарды колдоого алып, петиция уюштуруп жүрүшөт.

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *