Видео – Мавлян Аскарбеков: “Тоодон түшкөн, малдан айырмасы жок, жапайы вандалдар Чолпонбай Түлөбердиевдин сейил багына кол салышты, бизде маданият деген жок”

Бишкек шаарында жаңы ачылган Советтер союзунун баатыры Чолпонбай Түлөбердиев атындагы сейил бакка тоодон түшкөн жапайы вандалдар кол салышты. Бул тууралуу Бишкектин Биринчи май районунун акиминин орун басары Мавлян Аскарбеков билдирди.

Анын айтымында, малдан айырмасы жок жапайылар баатыр Чолпонбай Түлөбердиевдин эстелигиндеги тамгаларды атайылап жулуп салышкан. Эстеликтен тышкары балдар аянтчасындагы селкинчектин отургучун жана жаңы коюлган таштанды урналарды көтөрүп кетишкен. Эки урнаны өрттөп салышкан. Жаңы салынган ажаткананын ичине кирип болбойт.

“Тамгалар атайын бир курч курал менен чыгарылган. Азыркы учурда сейил бакка камералар орнотулду. Алар бир апта ичинде иштей баштайт. Урматтуу шаардын жашоочулары, жалпы элдин мүлкүн талкалоонун кереги жок. Аны калыбына келтирүүгө жана оңдоого акча каражат жана мээнет кетет”, – дейт Мавлян Аскарбеков.

Булак: KyrgyzToday.kg

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *