Видео – Москвада ишке ашпай калган теракттарды уюштурууга Абу Усама Нораки шектелүүдө

Тажикстандын укук коргоо органдары Абу Усама Нораки деген ысым менен белгилүү Тоджиддин Назаров Москва метросунда жана соода борборлордо теракттарды жасоону пландаган деп шектелип жатканын билдиришти. Ал 2014-жылы «Ислам мамлекети» террордук уюмунун катарына кошулган.

14-августта Орусиянын атайын кызматы Москванын метросунда жана соода борборлорунда теракттарды жасоону пландаган террорчу топтун мүчөлөрү кармалганын билдирген.

Орусиянын Федералдык коопсуздук кызматынын маалыматы боюнча, Москвада теракттарды уюштурууга эл аралык издөөдөгү Назаров Т.М жана Ширижонов А.М шектелүүдө. Тажикстандын укук коргоо органдарындагы булактын билдиришинче, шектүүлөрдүн бири Абу Усома Нораки 2014-жылдан бери ИМ тобунун катарында жүрөт жана үч жыл мурда ага карата жалданмачылык боюнча кылмыш иши козголгон.

Абу Усама Нораки августтун башында аудиобилдирүү таркатып, анда Тажикстан ИИМинин Өзгөчө даярдыктагы мобилдүү бөлүгүнүн мурдагы командири Гулмурод Халимовдун өлгөндүгү тууралуу маалыматтардын жалган экенин билдирген.

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *