Видео – Өзбек медиасы биринчи жолу шайлоо учурундагы бурмалоо тууралуу маалымдады

Өзбек басылмалары биринчи жолу Райондук кеңештин элдик депутаттарын шайлоо учурундагы мыйзам бузуулар тууралуу жазды. Саясий өнөктүк 24-декабрда өткөн. “Шайлоо учурундагы көз боёомочулук!” деген аталыштагы макала Kun.uz порталында жекшемби күнү жайгаштырылган.

Кийинки күнү материал вебсайттан алынып салынган, бирок анын көчүрмөсү сакталып калган.

Басылма Ташкенттеги эки шайлоо тилкелесинде жапырт түрдө бюллетендерди урнага таштоо учурлары тартылган видеону жарыялаган. Тасманы азыр дагы Ютубдан көрүүгө болот.

“Видеодо элдер бюллетендерди туугандары жана достору үчүн урнага таштаганын көрүүгө болот. Алар шайлоо тилкелерине бир нече паспорттор менен келишкен. Мындан тышкары жергиликтүү жамааттын өкүлү экинчи номурдагы талапкерге – Жамолов Гафурга добуш берүүнү айткан”, – деп жазылган макалада.

Портал мындан тышкары жергиликтүү жамааттардын өкүлдөрүн сынга алып, БШКнын отчетторунун чын экенинен күмөн санаган.

Өзбекстандын өкмөттүк басылмалары шайлоо “демократиялык стандарттардын” негизинде өткөнүн, мыйзам бузуулар болбогонун белгилешүүдө.

Жергиликтүү өзүн-өзү башкаруу органдарына шайлоо Ташкентте акыркы 14 жылдан бери биринчи жолу өттү. Алгач ирет электрондук бирдиктүү эсептөө системасы колдонулду.

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *