Видео – Өзбекстанда балдарды сабаган тарбиячы жумуштан бошотулду

Өткөн аптада социалдык түйүндөрдө балдарды папка менен башка чапкан тарбиячынын видеосу тараган. Кийинчерээк окуя өзбек президенти Шавкат Мирзиёевдин Жизак облусундагы, анын ичинде №39 «Навруз» бала бакчасындагы сапары алдында болгону аныкталды.

ВИДЕО: Боғча тарбиячиси болаларни юзига қараб урмоқда

ВИДЕО: Боғча тарбиячиси болаларни юзига қараб урмоқда. Топишга ёрдам беринг! Бу қаерда бўлган?Яна болалар, яна қўл кўтариш, яна боғчалар… Ижтимоий тармоқларда Ўзбекистон боғчаларидан бирида тарбиячи болаларни юзига ураётганини акс этган видео тарқалди.Азиз муштарийлар, илтимос, бу воқеа қаерда бўлганини аниқлашга ёрдам беринг! (Telegram +420 724971539)

Posted by Ozodlik Radiosi on Friday, March 30, 2018

Балдарды папка менен сабап жаткан тарбиячыны билим берүү мекемесинде тажрыйба топтоп жүргөн биринчи курстун студенти видеого тартып алган.

Тасма социалык түйүндөрдө тарагандан кийин Өзбекстандын Мектепке чейинки билим берүү министрлиги ыкчам топ түзүп, окуяны иликтеген. Видео 27-мартта Жизак шаарындагы №39 «Навруз» бала бакчасында болгону аныкталды.

Жергиликтүү маалымат каражаттары балдарды сабаган тарбиячы 37 жаштагы Мохира Маматкулова экенин кабарлашты. Жогорку билимдүү педагог аталган бала бакчада 2007-жылдан бери иштеп жаткан.

Маматкулованын иши боюнча документтер Жизак прокуратурасына өткөрүлүп берилди. Тартиячы жумуштан бошотулду. Бул окуядан кийин «Навруз» бала бакчасында дагы үч кызматкер иштен айдалды.

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *