Видео – Президенттикке талапкер болгон Мыктыбек Арстанбек саясий партия түзүү ниетин билдирди

Президенттикке талапкер Мыктыбек Арстанбек шайлоону таанып, саясий партия түзүү ниетин билдирди. Бул тууралуу ал бүгүн, 12-январда Instagram баракчасы аркылуу билдирди.

Анын айтымында, Кыргызстандын тарыхында биринчи жолу шайлоо таза жана ачык-айкын өттү.

“Шайлоо учурунда биз болгону 120 миң сом сарптап, 4-орунга жетиштик. Эл сизди угушу үчүн көп акча коротуунун кажети жок экендигин далилдей алдык”, – деди ал.

Ал ошондой эле саясий партия түзүү ниетин билдирип, өлкөнүн жыргалчылыгы үчүн иштөөгө даяр адамдарды өзүнө кошулууга чакырды.

“Нур” деген саясий партияны ачтык. Каттоодон да өттүк. Жакынкы күндөрү биздин демилгелүү топ партияны уюштуруу боюнча, съездин өткөрүү боюнча атайын көрсөтмөлөр менен чыга баштайт”,  – деп билдирди ал.

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *