Видео – Сыймык Жапыкеев, Финполициянын төрагасы: “Кубанычбек Жумалиев жакында камалат”

Депутат Кубанычбек Жумалиев жакынкы арада камалат. Бул тууралуу ооруканада дарыланып жаткан Финполициянын төрагасы Сыймык Жапыкеев Facebook социалдык тармактагы баракчасы аркылуу билдирди.

“Кимдер кармалып, кимдер уурдап жатканын көрүп жатабыз го. Мисалы, Мелис Аспеков $250 млн менен кармалып жатат. Эгерде, Жумалиев $250 миллионду Мелис Аспековго берсе, мага $1 миллион сунуштаган. Эч нерсесин алган жокмун. Азыркы учурда тергөө жүрүп жатат”, – деди ал.

Ал өзүнө карата айтылып жаткан сындар тууралуу айтып, каралоо кампаниясы жүрүп жатканын айтты.

Ошондой эле, ал ооруканадан чыккандан кийин чечкиндүү кадамдарга бара турганын айтты.

“Мурдагы бийликтен ЖЭБ, кара түтүн, пандемия боюнча көп кишилер камалчудай болуп турат. Биринчи кезекте Абылгазиев, Боронов, Космосбек (Чолпонбаев) дегендер жооп берет”, – деп кошучалады ал.

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *