Видео – Ташкентте оорукана алдында эс-учун жоготуп жаткан адамга дарыгерлер жардам беришкен жок

Ташкенттин тургундары «Азаттыктын» өзбек кызматына улгайган адамдын кыймылдай албай көчөдө жаткандыгы тартылган тасманы жөнөтүшкөн. Видеонун авторунун айтымында, ал адам соо болгон жана жүрөгү кармап жыгылган. Окуя жакында эле Ташкенттеги №4 шаардык клиникалык оорукананын алдында болгон.

 Күбөлөрдүн айтымында, көчөдөн өткөн адамдар оорукана кызматкерлерине кайрылып, сыртта жаткан адамга медициналык жардам көрсөтүп коюуларын өтүнүшкөн. Бирок алар тез жардам чакыруу керектигин айтып чыкпай коюшкан.

– Ооруканадан бир дагы кызматкер чыккан жок. Мен бул видеону жарыялашым керек болду, антпесем адамгерчиликке жатпай калмак, – деди тасманын автору.

Күбөлөр билдиришкендей, жыйынтыгында 25 мүнөт өткөндөн кийин барган тез жардам кызматкерлери ал кишини дарыгерлери чыкпай койгон №4 шаардык клиникалык оорукананын короосуна алып кирип кетишкен.

Булак: Борбор Азия жанылыктар кызматы

 

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *