Видео – Жалдагы мушташта зөөкүрлөр тарабынан ырайымсыз сабалган жарандардын укугун коргоо максатында Ак үйдүн алдында митинг өттү

Бүгүн, 5-сентябрда Бишкектеги Ак үйдүн алдында 28-августта Жал кичирайонунда зөөкүрлөрдөн ырайымсыздык менен сабалган жарандардын укугун коргоо максатында тынч митинги болуп өттү.


Эсиңиздерге сала кетсек, 28-августта таңкы саат 07:00 чамасында Бишкектин Жал кичирайонунун Ахунбаева жана Курчатов көчөлөрүнүн кесилишиндеги “Ярмарка” супермаркетинин алдында эки чабалыраак жаранды эки энгезердей жигит ырайымсыздык менен уруп-тепкилеп, баш сөөгүн, колу-бутун сындырышкан. Анын баары эки видеокамерага жазылып калган.
Супермаркеттин кароолчуларынын чакыруусу менен келген Бишкек шаардык милициянын патрулу эки кылмышка шектүү жаран менен сүйлөшүп турганда Чүй облустук милицияда иштеген алардын агасы келип, өзүнүн машинасына салып, алып кетип калган. Бул фактыларды 3-сентябрда Жогорку Кеңештин профилдүү комитетинин отурумунда КР Ички иштер министри Кашкар Жунушалиев да моюнга алды.
Жапа чеккендердин бири алигиче комада жатат, экинчиси оор абалда жандандыруучу палатага которулган.
Бул кылмыш фактысы боюнча Бишкек шаардык милициясы “Адам өлтүрүүгө аракет жасоо” беренеси менен кылмыш ишин козгоп, ал кылмышка шектүүлөр, 1985-жылы туулган Жаныбек Бапышов менен 1999-жылы туулган Калысбек Сейитбековго издөө жарыялады.

Булак: Kyrgyztoday.kg

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *