Японияда коронавируска чалдыккан кыргызстандык ооруканадан чыкты

Кечээ, 1-март күнү Япониядагы “Diamond Princess” круиздик кемесинен коронавируска чалдыккан кыргызстандык жаран ооруканадан чыгып, Токиодогу мейманканалардын бирине жайгаштырылды. Бул тууралуу ТИМдин басма сөз кызматы бүгүн, 2-март күнү билдирди.

“Кыргызстандык жаранда анын ооруканадан дарыланып чыккандыгы тууралуу медициналык сертификат бар. Акыркы алынган тест терс жыйынтыгын көрсөткөн” – деп айтылат маалыматта.

Мындан сырткары, ТИМ азыркы учурда кыргызстандык жаран Токио шаарында ээн-эркин жүрөрүн кошумчалаган.

Эгерде ал Кыргызсанга келе турган болсо, 14 күндүк убактылуу обсервациялоо жайларына жайгаштырылат.

Белгилей кетсек, 26-февралдагы Япониядагы “Diamond Princess” круиздик лайнериндеги кыргызстандыктан коронавирус табылганын Тышкы иштер министринин орун басары Нурлан Абдрахманов билдирген.

Анын абалы туруктуу. Анда дене табынын жогорулашы, жөтөлүү, ооруксунуу жок экени, күнү-түнү дарыгерлердин көзөмөлүндө экени айтылган.

Булак: «KyrgyzToday»

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *