Япониядагы кыргыз элчиси Мирлан Арстанбаев «Санариптик коомду илгерилетүү» уюмунун төрагасы Сожи Сузуки менен жолугушту

28-майда Токиодо Кыргыз Республикасынын Япониядагы Атайын жана Ыйгарым Укуктуу Элчиси Мирлан Арстанбаевдин «Санариптик коомду илгерилетүү» уюмунун төрагасы жана «Smart EcoSystem Co., Ltd» компаниясынын башчысы Сожи Сузуки мырза менен жолугушуусу болуп өттү.

Жолугушуунун жүрүшүндө Элчи маектешине 2020-жыл Кыргыз Республикасында «Региондорду өнүктүрүү, өлкөнү санариптештирүү жана балдарды колдоо» жылы деп жарыялангандыгын маалымдады.

Ушуга байланыштуу, Кыргызстан Япониянын алдыңкы санариптик технологияларын тартууга өзгөчө маани берерин белгиледи.

Өз кезегинде Сузуки мырза бул уюмдун ишмердүүлүгү жана кызматташуу багыттары тууралуу кеңири маалымат берди.  Жолугушуунун жыйынтыгында тараптар Кыргыз Республикасынын жооптуу органдарынын катышуусу менен видеоконференция уюштурууну макулдашышты.

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *