Ысык-Көлдө компромат фактыларды ачыкка чыгарам деп коркутуп, 200 миң сом опузалап алган адам кармалды

Ысык-Көлдө компромат фактыларды ачыкка чыгарам деп коркутуп, 200 000 сом опузалап алган адам кармалды. Бул тууралуу Облустук ички иштер башкармалыгынын басма сөз кызматы билдирди.

Маалыматка ылайык, 27-июлда 57 жаштагы К.Т. УКМКнын аймактык бөлүмүнө арыз менен кайрылып, бир адам компромат фактыларды ачыкка чыгарбоо үчүн андан 200 000 сом талап кылып жаткандыгын билдирген.

Бул факты Кылмыштардын жана жоруктардын бирдиктүү реестрине  “Опузалап акча талап кылуу” беренеси боюнча катталган.

Шектүү Каракол шаарынын 49 жаштагы тургуну Б.А. болуп чыкты. 30-июлда ал колго түшкөн. Б.А.нын унаасынын ичинде адвокаттын катышуусунда 150 миң сом өлчөмүндөгү акча каражаты табылып, буюм далил катары алынган.

Кармалган адам 48 саатка убактылуу кармоочу жайга киргизилген.

“Сотко чейинки процесстин алкагында кармалган адамдын компромат материалдарынын жүйөлөрү да текшерилет”, – деди Ысык-Көл облусунун Ички иштер башкармалыгы.

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *