Фото – Ысык-Көлдө прокурордун ага жардамчысы 150 миң сом пара алып жаткан жеринен кармалды

Кечээ, 22-майда Каракол шаарында УКМКнын ККК кызматкерлери Башкы прокуратуранын өздүк коопсуздук жана кызматтык териштирүү бөлүмү менен биргеликте Жети-Өгүз районунун прокурорунун ага жардамчысы 1982-жылы туулган К.А. 150 миң сом өлчөмүндө пара алып жаткан жеринен кармашкан. Бул тууралуу УКМКнын басма сөз кызматы маалымдады.

Такталгандай, прокурордун ага жардамчысы арыз ээсинин уулуна карата козголгон кылмыш ишин жеңилдетүү боюнча оң чечим чыгаруу үчүн 2000 доллар талап кылган.

Аталган факты КРнын Кылмыш-жаза кодексинин 326-беренесинин 2-бөлүгүнө (“Пара талап кылуу”)  боюнча кылмыштардын жана жоруктардын бирдиктүү реестрине катталган.

Кармалган адам УКМКнын тергөө изоляторунун убактылуу кармоочу жайына киргизилген. Тергөө иштери жүрүп жатат.

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *