Жалал-Абад шаардык кеңеши тарайбы?

Жалал-Абад шаардык кеңеши саясий кризиске кептелди. Бир айдан ашык убакыттан бери кворум болбой, мэр шайланбай кызмат талаш өкүм сүрүүдө. Шайлоо жыйынтыкталган кезде шаардык кеңештеги “Өнүгүү-Прогресс”, “Ата Журт” жана “Республика – Ата-Журт” фракциялары коали­ция түзүп, төраганы шайлоого аракет кылган. Ал учурда Социал-демократтар жана “Кыргызстан” фракциясы сессияга баруудан баш тартышкан. Кийинчерээк “Республика -Ата Журт” фракциясы коалициядан чыкканын жарыялап, азчылыкта калган Социал-демократтар жана “Кыргызстан” фракциялары менен бир альянска бириккен эле. Бирок бул жагдай дагы маселенин чечилишине өбөлгө болгон жок. Иш жүрбөй интрига күчөп кеткендиктен “Өнүгүү-Прогресс” жа­на “Ата Журт” фракциялары шаар кеңешин таратуу демилгесин көтөрүшүп, туюктан чыгууга башка жол жок калганын айтышууда.

Булак: “Фабула”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *