Жалал-Абадда балдар арасында областтык музыкалык кароо-сынак өткөрүлдү

 

Жалал-Абад шаарынын мэриясынын басма сөз кызматынын маалыматына таянсак, шаарда жайгашкан Глинка атындагы балдардын музыкалык мектебинде музыкалык мектептерде  тарбияланып жаткан шыктуу балдардын областтык кароо-сынагы болуп, анда мыктылар тандалды. Бул тууралу аталган музыкалык мектептин директору Кымбат Бердалиева билдирди.

Отображается файл "DSC_3105.jpg"

Анын айтымында, Глинка атындагы музыкалык мектебинин базасындагы мындай областтык кароо-сынак 10 жылдан бери жыл сайын өткөрүлүп келүүдө. Ага ар кайсы музыкалык аспаптарда чебер ойной алган балдар катышат. Быйыл болсо, ушул сынакка байланышкан он жылдык юбилейлик иш-чара да болуп калды.

Отображается файл "DSC_3110.jpg"

-Бул сынак жыл сайын Жалал-Абад областынын район-шаарларындагы музыкалык мектептердин арасында өтүп келет. Негизги максатыбыз жаш таланттардын шыгына-шык кошуу, таланттуу балдардын ортосундагы алакаларды жандандыруу, достугун чыңдоо, өнөрлөрүн баалоо аркылуу аларга багыт берүү болуп саналат. Бизди кубандырган нерсе – жаш өнөр ээлеринин саны жылдан жылга өсүп бараткандыгы, – дейт ал.

Бул бир күндүк кароо-сынактын жыйынтыгында жеңип чыккан таланттуу балдарга кызыктыруучу сыйлыктар, Ардак громаталар тапшырылды.

Эскерте кетсек, Жалал-Абад шаарындагы Глинка атындагы балдар музыкалык мектеби  өткөн жылы 60 жылдык маарекесин белгилеген.

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *