Жанарбек Надырбеков, Аксы райондук жергиликтүү кеңештин депутаты: “Өзбек чек арачылары “Бизнинг худудимизга хуш келибсиз”(биздин аймакка кош келиңиздер) деп текшерүүнү улантып жатат”

“Кечээ, 18-мартта Ала-Бука районундагы Могол аймагында кыргыз-өзбек чек арасындагы тактала элек аймакка Өзбекстандын аскер кызматкерлери кетишел элек. Алар кыргыз жарандарын текшерүүнү улантып жатышат” – деп билдирди бүгүн, 19-мартта kyrgyztoday.kg маалымат агенттигине Аксы райондук жергиликтүү кеңештин депутаты Жанарбек Надырбеков.

“Алар  2 БТР жана 2 КАМаЗ унаасы дагы ошол боюнча турат. Кыргызстан тараптан дагы 2 БТР барды. Коопсуздук көзөмөлгө алынганы менен жергиликтүү тургундардын кыжырдануусу күчөтүп атат. Жергиликтүу бийлик, азырынча жергиликтүү тургундарды сабырдуулукка жана стабилдүүлүккө чакырып жатат. Бийлик тарабынан расмий түрдөө сүйлөшүүлөр жүрүп жатат дегени менен, Атамбаев же Темир Сариев тарабынан эч кандай үн-сөз чыга элек. Жолдорго тосмолорду коюп алган өзбек чек арачылары “Бизнинг худудимизга хуш келибсиз”(биздин аймакка кош келиңиздер) деп текшерүүнү улантып жатат.”- деп билдирди жергиликтүү депутат.

Ал эми бул боюнча Кыргызстандын чек ара кызматкерлери чек арадагы соңку аракеттер боюнча сүйлөшүүлөрдү жүргүзүп, элди тынчтыкка чакырууда. Аны менен бирге кыргызстандыктарды Өзбекстанга барууга тыюу салып жаткандыгын КР чек ара кызматынан Сажира Чоколоева билдирди. Абалды жөнгө салуу үчүн Чек ара кызматынын башчысынын орун басары, полковник Таалайбек Усубалиев  бүгүн, 19-мартта  аталган аймакка барды. Ушул таптарда Кыргызстандын чек арачылары Өзбекстандын аскер күчтөрү кирип келген аймакты күчөтүлүп, кыргыз-өзбек чегиндеги өткөрмө бекеттер жабык бойдон турат деп кошумчалады.

Гүлжан Шерипбаева, Кyrgyztoday.kg

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *