Желпинген Жээнчороев эки жыл мурун көтөргөн демилгесине азыр эмне каршы чыгып жатат?

Жогорку Кеңештеги “Республика Ата Журт” фракциясынын депутаты Мирлан Жээнчороев тууралуу учкай сөз кылгыбыз келип туру. Мирлан Канатбекович кезинде таякеси Өмүрбек Бабановдун жардамчысы, бизнестеги ишенимдүү адамы болуп жүрүп 2015-жылдагы партиялык тизме менен парламенттин босогосун аттаган. Мирлан мырза депутат болгондон кийин кырдаалга жараша эки сүйлөгөндү мыкты өздөштүрүптүр. Сөзүбүз куру болбош үчүн далил менен айталы. 2017-жылдын май айларында так ушул Мирлан Жээнчороев парламенттик шайлоодогу босого чекти 7%дан 9%га көтөрүүнү демилгелеп: «Бүгүнкү күндө Кыргызстанда 200дөн ашуун партия бар. Алардын башчылары толкундануудан азап чегип, ортосунда бириктирүүчү идеология жок. Босогону 9%га чейин жогорулатуу лидерлердин диалогуна жана экономикалык туруктуулукка алып келет» – деп айткан эле. Эми болсо ал сөзүн унутуп калганбы же кожоюну «ушундай де» деген тапшырманы бергенби, айтор, шайлоодогу босого чекти 7%дан ашырбаш керек деп боорду эзип атат. Муну биз түшүнө албай убарабыз. Балким эки башка учурда эки сүйлөгөнүн өзү ачыктап коет чыгаар…

Булак: “Де-Факто”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *